Նորվեգիան իր առաջ դրել է Ռուսաստանի հետ սահմանի արդիականացման խնդիր

ՆԱՏՕ-ի անդամ Նորվեգիան նախատեսում է արդիականացնել Ռուսաստանի հետ սահմանային վերահսկողությունը՝ անվտանգության միջոցառումները բարելավելու նպատակով։ Ծրագրի համար տրամադրվել է 191 միլիոն նորվեգական կրոն (16,4 միլիոն եվրո)։ Արդիականացման աշխատանքները ներառում են նոր դիտաշտարակների, սենսորների և դրոնների օգտագործումը։ Միջոցառումների իրականացումը կկոորդինացվի միջգերատեսչական ղեկավար խմբի կողմից։ Նորվեգիայի ոստիկանությունն ու զինված ուժերը կուժեղացնեն համագործակցությունը սահմանային անվտանգության ապահովման նպատակով։