Օրական մի բուռ նուշ ուտելը զգալիորեն մեծացնում է բուտիրատի արտադրությունը՝ ճարպաթթու, որը նպաստում է աղիքների առողջությանը: Նման եզրակացության են եկել Լոնդոնի թագավորական քոլեջի հետազոտողները։ Արդյունքները հրապարակվել են Journal of Clinical Nutrition ամսագրում:
Աղիքների միկրոբիոմը կազմված է հազարավոր օգտակար և վնասակար միկրոօրգանիզմներից, որոնք ազդում են օրգանիզմում նյութափոխանակության, իմունային և այլ գործընթացների ընթացքի վրա: Այն մեխանիզմները, որոնցով աղիների միկրոբիոմն ազդում է մարդու առողջության վրա, դեռ ուսումնասիրվում է, սակայն առկա ապացույցները ցույց են տալիս, որ սննդի որոշակի տեսակների օգտագործումը կարող է դրական ազդել մեր աղիքներում առկա բակտերիաների տեսակների վրա:
Նուշը պարունակում է լիպիդներ, մանրաթելեր և պոլիֆենոլներ, կարևոր դեր է խաղում սննդանյութերի մարսողության մեջ և կարող է դրական կամ բացասական ազդեցություն ունենալ առողջության վրա:
Կալիֆոռնիայի՝ նուշ արտադրող խորհրդի կողմից անցկացված հետազոտությունը հետևել է 87 առողջ մեծահասակների, որոնք քիչ քանակությամբ դիետիկ մանրաթելեր են օգտագործել և հաճախակի շոկոլադ, չիփսեր և այլ անառողջ մթերքներ օգտագործել: Նրանց բաժանել են երեք խմբի՝ մի խումբն իր նախուտեստները փոխարինել է օրական 56 գրամ ամբողջական նուշով, մյուսը՝ 56 գրամ աղացած նուշով, իսկ վերահսկիչ խումբը չորս շաբաթ շարունակ համարժեք կալորիականությամբ կեքս է կերել։
Բուտիրատի պարունակությունը աղիքներում զգալիորեն ավելի բարձր է եղել նրանց մոտ, ովքեր նուշ են կերել:
Նաև մի բուռ նուշի ամենօրյա օգտագործումը ավելացրել է կալիումի և այլ կարևոր սննդանյութերի մակարդակը:
