Երեկ՝ փետրվարի 21-ին Նիդերլանդներում Հայաստանի Հանրապետության դեսպան Տիգրան Բալայանը Ալմելոյում հանդիպել է SGP կուսակցությունից Եվրախորհրդարանի անդամ Բերտ-Յան Ռուիսենին և Օվերայսել նահանգի SGP կուսակցության պատասխանատուներին։
Այս մասին տեղեկանում ենք Դեսպանության Facebook-ի էջից։
- Մեկնարկել է Պուտինի ու Ալիևի հանդիպումը
- Ադրբեջանում հայերի և հայկական մշակույթի նկատմամբ ատելությունը օր օրի ավելի է մեծանում․ Արման Եղոյան (ՏԵՍԱՆՅՈՒԹ)
«Հանդիպմանը, որ տեղի ունեցավ Armeens Apostolische Kerk Almelo/Ալմելոյի հայ առաքելական եկեղեցու խորհրդի նախագահ Օնիկ Գելիջիի նախաձեռնությամբ և բազմաթիվ հայկական կազմակերպությունների ներկայացուցիչների մասնակցությամբ, քննարկվեցին Ադրբեջանի իշխանությունների ապօրինի գործողությունների կասեցման, հայ ռազմագերիների վերադարձի և հայկական ժառանգության պահպանման հարցեր։
Եվրախորհրդարանի պատգամավորը անընդունելի համարեց Ադրբեջանի իշխանությունների հանցավոր քայլերը և վստահեցրեց, որ հավելյալ ջանքեր կներդնի արարքների հեղինակներին պատասխանատվության ենթարկելու հարցում։
Ալմելոյում դեսպան Բալայանը այցելեց նաև ՀՄԸՄ ԱԼմելոյի սպորտային կենտրոնի շինհրապարակ, ծանոթացավ կենտրոնի կառուցման աշխատանքների ավարտական փուլին», – ասված է գրառման մեջ։
