Ռուսաստանի անվտանգության խորհրդի քարտուղար Նիկոլայ Պատրուշևը և Իրանի ազգային անվտանգության բարձրագույն խորհրդի քարտուղար Ալի Շամխանին Թեհրանում բանակցություններ են վարել։ Անդրադարձ է եղել ԱՄՆ-ի հետ առճակատման, անվտանգության, ուկրաինական հակամարտության հարցերին, քննարկել այլ թեմաներ։ Այս մասին հայտնի է դարձել Hamshahri Online-ին։
Շամխանին, մասնավորապես, ընդգծել է, որ Իրանը ողջունում է Ուկրաինայում խաղաղ կարգավորումը և հանդես է գալիս Մոսկվայի և Կիևի միջև երկխոսության վրա հիմնված խաղաղության օգտին։ Պատրուշևն իր հերթին մատնանշել է, որ արևմտյան երկրները և հատկապես ԱՄՆ-ը պատժամիջոցներ են սահմանում՝ խախտելով ՄԱԿ-ի կանոնադրությունը և ուժ կիրառելով։
Բացահայտելով Պատրուշևի այցի մանրամասները՝ աղբյուրը նաև նշել է, որ կողմերը քննարկել են Մերձավոր Արևելքի տարածաշրջանում համագործակցությունը և Մոսկվայի և Թեհրանի առջև ծառացած սպառնալիքները։
Արևմտյան երկրները մեղադրում են Իրանին Ուկրաինայում մարտական գործողությունների համար Ռուսաստանին զենք փոխանցելու մեջ։ Դրա պատճառով Եվրամիությունն արդեն պատժամիջոցներ է սահմանել Թեհրանի դեմ։ Մոսկվան, սակայն, հերքում է նման համագործակցությունը։ Թեհրանն իր հերթին նշել է, որ մատակարարումներ կան, սակայն Ուկրաինայում մարտերի մեկնարկից մի քանի ամիս առաջ։