ՀՀ-ն չինական «Սինոֆարմ» պատվաստանյութի խմբաքանակ է ձեռք բերել

ՀՀ առողջապահության նախարարությունը ձեռք է բերել կորոնավիրուսի դեմ չինական «Սինոֆարմ» պատվաստանյութի 200 հազար նոր խմբանակ, որը նախատեսված է 100 հազար հոգու համար։

Այս մասին Facebook-ի իր էջում գրել է ՀՀ առողջապահության նախարար Անահիտ Ավանեսյանը։

Նա նշել է, որ պատվաստանյութից կարող են օգտվել 18 տարեկանից բարձր բոլոր անձինք՝ առանց սահմանափակումների։