Ավտոմաքսատունը Գյումրի տեղափոխելու աշխատանքները լայն թափով գնում են առաջ, այս պահին արդեն քննարկում ենք շուրջօրյա աշխատանքային ռեժիմով աշխատելու նպատակահարմարության վերաբերյալ։ Այս մասին օգոստոսի 25-ին Գյումրիում լրագրողների հետ զրույցում ասել է ՊԵԿ նախագահ Դավիթ Անանյանը։
«Հոկտեմբերի առաջին տասնօրյակն ավարտելուն անմիջապես հետո պլանավարում ենք բացումը հայտարարել։ Հոկտեմբերի 11-ին նախատեսված է ավտոմաքսատան բացում»,- նշեց նա։
Աշխատանքային ծանրաբեռնվածության մասին ՊԵԿ նախագահն ասաց, որ վստահ է՝ մինչև տարվա վերջ մաքսատունն աշխատելու է շուրջօրյա ռեժիմով՝ շաբաթը 7 օր, որովհետև հոկտեմբերից սպասվում է մեքենաների ներմուծմների՝ աննախադեպ ծավալի աճ։
«Հաջորդ տարվանից վերապրոֆիլավորելու ենք մաքսատունը նաև ընդհանուր բիզնեսի աշխատանքներն այնտեղ կազմակերպելու համար»,- հավելել է Դավիթ Անանյանը։