Հայաստանի Հանրապետության պետական եկամուտների կոմիտեում տեղի է ունեցել ՊԵԿ նախագահ Ռուստամ Բադասյանի հանդիպումը ՀՀ-ում Վրաստանի Հանրապետության գործերի ժամանակավոր հավատարմատար Իրակլի Կվանչախաձեի հետ:
Այս մասին տեղեկանում ենք ՊԵԿ պաշտոնական կայքից։
- Կատարելագործվում է ԱԱՀ վերադարձի մեխանիզմը․ ՊԵԿ (ՏԵՍԱՆՅՈՒԹ)
- 50 մլն ԱՄՆ դոլար կներդրվի ՀՀ տնտեսության մեջ
«ՀՀ ՊԵԿ նախագահն իր խոսքում նշել է, որ հարկային և մաքսային վարչարարության ոլորտներում երկու երկրների միջև առկա են իրավապայմանագրային հարաբերություններ, որոնք հնարավորություն են տալիս փոխգործակցություն ծավալել ինչպես երկկողմ մակարդակում, այնպես էլ այլ միջազգային կազմակերպությունների շրջանակում:
Կարևորվել է երկու երկրների մաքսային և հարկային ոլորտների պատասխանատուների պարբերական դարձած հանդիպումները, որոնց շնորհիվ հնարավորություն է ընձեռվում արագ և արդյունավետ լուծումներ տալ առաջացած աշխատանքային հարցերին», – ասվում է պաշտոնական հաղորդագրության մեջ:
