Փետրվարի 17-ին ՀՀ 24 համայնքում տեղի են ունենալու ՏԻՄ ընտրություններ։
Համայնքներից 20-ում ընտրելու են համայնքի ղեկավար, չորսում՝ ավագանի։ Տասնյոթ համայնքում ընտրությունն արտահերթ է։
Հատկապես թեժ պայքար սպասվում է Վարդենիսում։ Հիշեցնենք, մի քանի օր առաջ Վարդենիսի քաղաքապետի թեկնածուներից մեկն, իր կողմնակիցներով, փակել էր ՀՀ-ն Արցախին կապող, դեպի Քարվաճառ, Մարտակերտ տանող ավտոճանապարհը՝ պահանջելով մարզպետի հրաժարական՝ փաստարկելով, թե մարզպետը մտերիմ հարաբերությունների մեջ է և սատարում է քաղաքապետի՝ մեկ այլ թեկնածուի։
ՏԻՄ ընտրություններով պայմանավորված՝ իրավապահ մարմինները փետրվարի 17-ի կիրակի օրն աշխատելու են ողջ ծանրաբեռնվածությամբ, մասնավորապես՝ ամբողջ կազմով են աշխատելու ՔԿ մարզային քննչական բաժինները։
