Արցախի ԱԻՊԾ-ի Facebook-ի էջում գրված է․
«Երեկ, հունվարի 23-ին ԱԻ պետական ծառայության փրկարարական ջոկատները որոնողական աշխատանքներ էին իրականացրել Վարանդայի (Ֆիզուլի), Քաշաթաղի հարավային թևում և Մատաղիս շրջաններում:
Աշխատանքների արդյունքում վերադարձրել են ևս 30 զինծառայողի աճյուն, որն ադրբեջանական կողմն է փոխանցել հայկական կողմին՝ չնշելով նրանց գտնվելու վայրը: Մարմիններն անճանաչելի են: Նշանակվել է դատաբժշկական փորձաքննություն նրանց ինքնությունը պարզելու նպատակով:
2021 թվականի նախորդ օրերի համեմատ, երեկ ամենաշատ աճյուններն են հայտնաբերվել:
Որոնողական աշխատանքներին մասնակցում են նաև զոհված կամ անհայտ կորած զինծառայողների հարազատները, ինչպես նաև ռազմագործողություններին մասնակցած կամ տարածքին ծանոթ ուղեկցող-կամավորները:
Նշենք, որ 2020 թվականի նոյեմբերի 13-ից մինչև 2021 թվականի հունվարի 23-ը հայտնաբերվել է 1281 աճյուն:
Փրկարար-որոնողական աշխատանքներն այսօր շարունակվում են Ջրականի (Ջաբրայիլ), Վարանդայի (Ֆիզուլի) և Հադրութի շրջաններում»:
https://www.facebook.com/RescueServiceOfTheNKR/posts/4055210357846742?__cft__%5B0%5D=AZU6NVvvIKPFaLYuQMsZnTVr6LCgpMF6_FoQOaJZuuO62qELxzPX3V78VLLWHkhcIY6VeVn-CshdJRePPD-QSGsUq7OtA20IWoS4FG0zBw6Re5aH1zGJPr2-7OQdzTwBxQ6-QlQIAAQJs8Ce5WG0BKn0&__tn__=%2CO%2CP-R
ԽՈՐՀՈւՐԴ Է ՏՐՎՈւՄ ԿԱՐԴԱԼ
