Բիզնեսմեն Սամվել Գևորգյանը Facebook-ի իր էջում գրել է․
«Մի շարք պատճառներով հայկական բիզնեսները չեն աճում: Փոքր բիզնեսները օգտվելով հարկային արտոնություններից, չեն «ցանկանում» աճել` չանցնելու համար շրջանառության հարկի շեմը: Փոքր բիզնեսի համար դա նման է իսկական մղջավանջի: Բայց իսկական մղջավանջը այն է, որ տարիներ շարունակ փոքր բիզնեսը մնում է փոքր միայն նրա համար, որ շրջհարկի շեմը չանցնի: Այս մտածելակերպը ուղղակի արգելակում է բիզնեսի զարգացումը: Միջին բիզնեսը չի աճում, քանի որ «դժվար» կլինի մրցակցել մեծերի հետ: Իսկ խոշոր բիզնեսին էլ «արգելակում» է Հայաստանի շուկայի փոքր չափերը:
Հիմա, մի պահ պատկերացրեք ձեր ընկերությունը, անկախ նրանից ձեր բիզնեսը փոքր է, միջին կամ խոշոր, 5 տարի անց`2025թ.-ին: Կարևոր չէ դուք բիզնեսի սեփականատեր եք, տնօրեն, մենեջեր, վարչական աշխատող կամ որևէ այլ պաշտոն/հաստիք եք զբաղեցնում: Կարևորը պատկերացնելն է:
Ուրեմն, քայլ առաջին: Պատկերացրեք, ձեր գրասենյակը, քանի աշխատող ունեք, քանի մասնաճյուղ, քանի քաղաքներում և երկրներում: Պատկերացրեք, ինչքան հզոր ընկերություն եք լինելու, որ լինելու եք շուկայի առաջատարներից մեկը: Ուղղակի պատկերացրեք, դա անվճար է և տևում է մի քանի րոպե: Պատկերացրեք օրվա մեջ մԻ քանի անգամ:
Քայլ երկրորդ: Տրամադրվեք, որ ձեր պատկերացրածը կարող է իրականություն դառնա: Ավելի ճիշտ, ոչ թե կարող է, այլ պետք է դառնա: Դա էլ է լրիվ անվճար: Տրամադրվելը: Կրկին, օրվա մեջ մի քանի անգամ:
Քայլ երրորդ: Իսկ հիմա մտածենք, թե ինչպես եք այն դարձնել իրականություն: Օրինակ,ռազմավարական պլանի միջոցով, որը կօգնի ոչ միայն ծրագրավորել ընկերության աճը, այլ այդ գործընթացի մեջ ներգրավել ամբողջ անձնակազմին, իրականացնել բիզնես արտաքին և ներքին միջավայրերի վերլուծություն, հստակեցնել գլոբալ և լոկալ նպատակները, մշակել գործողությունների ծրագիր այդ նպատակներին հասնելու համար: Միայն, այս պարագայում պլավորվածն ու իրականությունը կլինեն նույնը: Ռազմավարական պլանավորման հաջողությունից և որակից է կախված հաջորդ տարիների զարգացումն ու աճը:
Ընդամենը երեք քայլ ու ձեր բիզնեսը կլինի #ՄիշտԱռաջ կարգավիճակում և կունենա #business5X աճ:
ՈՒրեմն, եթե #businessհիմնադիր եք ու #businessսեփականատեր , ապա կարող եք ապահովել ձեր #businessաճ-ն ու #businessզարգացում-ը սկսված #2020 թվականից` ունենալով արդյունավետ #businessռազմավարություն»: