Քիչ առաջ Մեսսին պատմություն կերտեց Լա Լիգայում

«Բարսելոնայի» հարձակվող Լիոնել Մեսսին «Էյբարի» հետ Լա Լիգայի 19-րդ տուրի խաղում դարձավ իր թիմի երկրորդ գոլի հեղինակը:

31-ամյա արգենտինացին Լա Լիգայի 435-րդ խաղում խփեց իր 400-րդ գոլը: Հարձակվողը դարձավ առաջին ֆուտբոլիստը, որին հաջողվում է հասնել նման արդյունքի:

«Ռեալի» նախկին հարձակվող Կրիշտիանու Ռոնալդուն Իսպանիայում անցկացրած 292 խաղում մրցակիցների դարպասը գրավել է 311 անգամ:

Պորտուգալացին Լա Լիգայի բոլոր ժամանակների ռմբարկուների ցանկում երկրորդն է:

Երրորդը Տելմո Սարան է, որը «Աթլետիկում» 277 խաղում դարձել է 251 գոլի հեղինակ:

Այս մասին հայտնում է armsport.am-ը։