Իրանի նախագահ Էբրահիմ Ռայիսին կառավարության նիստի ժամանակ հայտարարել է, որ հարևանության քաղաքականությունը պետք է հիմնված լինի բարիդրացիության ու կառուցողական համագործակցության սկզբունքների վրա և լինի երկկողմանի:
«Փորձը ցույց է տվել, որ անվտանգության ապահովումն օտարներին վստահելու մոտեցումը դատապարտված է ձախողման: Եթե երկրները, օտար զինվորականներին ապավինելով, իրենց բանակների ինքնությունն ու ազգային ոգին թուլացնեն, ճգնաժամի ժամանակ մեծ խնդիրների առջև կհայտնվեն»,- նշել է Ռայիսին:
Ռայիսին շեշտել է, որ Իրանն իր ազգային շահերի հարցում զգոն է: