Նոյեմբերի 1-ից Ռուսաստանը կփակի ՆԱՏՕ-ում իր մշտական ներկայացուցչությունը։ Այս մասին հայտնել է BBC-ն:
«Ի պատասխան ՆԱՏՕ-ի գործողությունների՝ մենք դադարեցնում ենք ՆԱՏՕ-ում մեր մշտական առաքելության աշխատանքը, այդ թվում՝ գլխավոր ռազմական ներկայացուցչի աշխատանքը, երկրորդ՝ դադարեցնում ենք ՆԱՏՕ-ի ռազմական առաքելության գործունեությունը Մոսկվայում, չեղյալ է հայտարարվում դաշինքի աշխատակիցների հավատարմագրումը: Երրորդ՝ Մոսկվայում փակվում է ՆԱՏՕ-ի տեղեկատվական բյուրոն, որն ստեղծվել էր Բելգիայի Թագավորության դեսպանատանը»,- հայտարարել է ՌԴ ԱԳ նախարար Սերգեյ Լավրովը։
Ռուսաստանի իշխանություններն այս քայլին գնացին ի պատասխան հոկտեմբերին Բրյուսելից 10 ռուս դիվանագետի արտաքսմանը։