«Ռեդ Բուլ»-ի մեխանիկները աչքի ընկան յուրահատուկ ձեռքբերմամբ գերմանական Գրան պրիի ընթացքում: Ավստրիական թիմի անդամները 1.88 վայրկյանում փոխել են Մաքս Վերստափենի ավտոմեքենայի անվադողերը: Սա Formula-1-ում պիտ-ստոպի արագության նոր ռեկորդ է:
Հատկանշական է, որ նախորդ ռեկորդը նույնպես պատկանում է «Ռեդ Բուլ»-ին: Մեծ Բրիտանիայի Գրան պրիի ընթացքում թիմը ընդամենը 1,91 վայրկյանում ռեկորդ սահմանեց փոխելով Պիեռ Գասլիի մեքենայի անվադողերը։
Գերմանիայի Գրան պրիի մրցաշարն ավարտվեց «Ռեդ Բուլ»-ի հաղթանակով, իսկ մրցավազքը հաղթեց Վերստափենը: