Ռումինիայի մայրաքաղաք Բուխարեստում այրվել է Coca-Cola բեռնատարը, որը նախկինում նկարահանվել է ընկերության հայտնի սուրբծննդյան գովազդում, որը երկար տարիներ հեռարձակվում էր հեռուստաէկրաններից Ամանորի տոների նախաշեմին։ Այս մասին հայտնում է Digi 24 հեռուստաալիքը։
Նշվում է, որ ձյան փաթիլներով զարդարված բեռնատարի հրդեհը տեղի է ունեցել Ջուրջուլուի մայրուղով շարժվելիս։
Ինչպես հայտնի է դարձել, հրդեհի ժամանակ մեքենայի վարորդը չի տուժել։ Նրան հաջողվել է նաև անջատել կրակի մեջ այրված կցասայլը, որն այնուհետև ամբողջությամբ այրվել է։
Աղբյուրի փոխանցմամբ՝ դեպքի վայր է կանչվել հատուկ մեքենաներով մեկ մարտական հաշվարկ, ինչպես նաև քարշակ մեքենաների խումբը և ռումինական փրկարարական և շտապ օգնության SMURD ծառայությունը։ Հետագայում փորձագետները կպարզեն հրդեհի առաջացման պատճառը։
