Ռուսական ուժերը հոկտեմբերի լույս 21-ի գիշերը հարվածներ են հասցրել Խարկովին, ինչի հետևանքով զոհեր և վիրավորներ կան, հայտնում են տեղի իշխանությունները։ Կիևում ԱԹՍ-ների հարվածներից հետո դրանց բեկորները հայտնաբերվել են մայրաքաղաքի երեք թաղամասերում:
Ռումբերից մեկը խոցել է Խարկովի մարզի Նովոպավլովկա գյուղի առանձնատունն՝ ամբողջությամբ ավերելով այն։ Ուկրաինայի արտակարգ իրավիճակների պետական ծառայությունը հայտնել է երկու զոհի մասին։
Բուն Խարկովում հարվածների հետևանքով տուժել է 13 մարդ։ «Պայթյունների հետևանքով վնասվել են էլեկտրահաղորդման գծեր, բնակելի շենքեր, ավտոտնակներ, գազալցակայաններ», – ասվում է գերատեսչության հաղորդագրության մեջ։
Նախնական տվյալներով՝ Խարկովի վրա հարձակումներն իրականացվել են չորս կարգավորվող օդային ռումբերով և «Գրոմ-Է1» ռումբերով, հայտնում է Խարկովի մարզի դատախազությունը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
