ՀՀ եկող անձինք, ովքեր ՊՇՌ հետազոտության, պատվաստված լինելու սերտիֆիկատ չունեն, կմեկուսացվեն

«Զվարթնոց» միջազգային օդանավակայանը հիշեցնում է, որ շուտով ուժի մեջ կմտնեն Կարանտին հայտարարելու վերաբերյալ կառավարության 2020 թվականի սեպտեմբերի 11-ի 1514-Ն որոշման նոր փոփոխությունները, համաձայն որոնց՝

ՀՀ մուտք գործող անձինք պետք է ներկայացնեն մինչև 72 ժամ վաղեմությամբ ՊՇՌ հետազոտության սերտիֆիկատ կամ կորոնավիրուսային հիվանդության (COVID-19) դեմ պատվաստված՝ երկու ամբողջական դեղաչափ, երկրորդ դեղաչափը երկիր մուտք գործելու օրվանից նվազագույնը 14 օր առաջ հավաստող սերտիֆիկատ,

ՊՇՌ հետազոտության կամ պատվաստման սերտիֆիկատ ներկայացնելուց ազատվում են մինչև 11-ամսական 29 օրական երեխաները:

Հավելենք, որ այն անձինք, ովքեր չեն ունենա ՊՇՌ հետազոտության սերտիֆիկատ կամ կորոնավիրուսային հիվանդության (COVID-19) դեմ պատվաստման սերտիֆիկատ, պետք է անցնեն ՊՇՌ հետազոտություն օդանավակայանում տեղակայված լաբորատոր նմուշառման կետում (վճարովի հիմունքներով):

Հիշեցնենք նաև, որ այն անձինք, ովքեր չեն ներկայացնի ՊՇՌ հետազոտության կամ պատվաստված լինելու մասին սերտիֆիկատ, կմեկուսացվեն։