ՌԴ ՊՆ Սերգեյ Շոյգուն ՌԴ նախագահ Վլադիմիր Պուտինին զեկուցել է այն մասին, որ սուզանավում առկա միջուկային կայանը, որտեղ հրդեհի հետևանքով 14 նավաստիներ են զոհվել, աշխատունակ է: Այս մասին հաղորդում է Ռիա Նովոստի լրատվական գործակալությունը:
Շոյգուն հայտնել է, որ սարքի վրա տեղակայված միջուկային էներգակայանը լիովին մեկուսացված է: Անձնակազմն իրականացրել է սարքի անվտանգության հետ կապված անհրաժեշտ գործողությունները, նշել է ՊՆ ղեկավարը:
«Այն լիովին գործում է», – ասել է Շոյգուն: