Հուլիսի 16-ին ՀՀ տարածքային կառավարման և ենթակառուցվածքների նախարարությունը հաղորդագորւթյուն է տարածել, որում հայտնել է, որ «Հայաստանի տարածքային զարգացման հիմնադրամ»-ի միջոցով իրականացվող` Համայնքային ենթակառուցվածքների ծրագրը ակտիվ ընթացքի մեջ է։
«Նպատակն է` բարելավել համայնքների ջրամատակարարման և ջրահեռացման համակարգերը, ինչը ենթադրում է հնամաշ խողովակաշարերի փոխարինում, ջրընդունիչների, օրվա կարգավորիչ ջրամբարների և պոմպակայանների վերակառուցում, ջրաչափերի տեղադրում, շուրջօրյա ջրամատակարարման ապահովում և այլն։ Շահառու է ՀՀ 6 մարզ՝ Շիրակ, Լոռի, Արմավիր, Գեղարքունիք, Վայոց_ձոր և Սյունիք: Ընդհանուր առմամբ, ծրագրի շրջանակում խմելու ջուր կհասնի Հայաստանի 11 քաղաքային և 37 գյուղական համայնք։ Շահառու բնակիչների թիվը գերազանցում է 100 000 -ը։
Ծրագրի ամբողջ ընթացքում նախատեսվում է 66 կմ ջրատար խողովակաշարի մոնտաժում, 20 ջրընդունիչների, օրվա կարգավորիչ ջրամբարների և պոմպակայանի վերակառուցում, 490 կմ բաշխիչ ցանցի կառուցում և 180 կմ երկարությամբ ջրագծերի տնային միացումների մոնտաժում։ Ջրաչափական հորերի թիվը մոտ 18000 է։ Այս փուլում հատկապես ակտիվ աշխատանքներ են տարվում Գյումրի, Հայկավան, Բայանդուր , Վանաձոր, Լեռնապատ և Գուգարք բնակավայրերում։
- ՏԿԵ նախարարությունում քննարկվել են Երևանի մետրոպոլիտենի շարժակազմի արդիականացմանը վերաբերող հարցեր
- ԱԻՆ փրկարարների թվային պատկերով քողարկող համազգեստը փոխարինվելու է այլ համազգեստով
Ծրագիրը ֆինասավորվում է ՀՀ կառավարության, Գերմանիայի KFW Բանկի, Եվրոպական Ներդրումային բանկի և Եվրամիություն /ՀՆԾ/ կողմից։ Ընդհանուր ներդրումը կազմում է 81,0 միլիոն եվրո»,- ասված է հաղորդագրության մեջ։
