Շվեյցարիայի ԱԳ դաշնային դեպարտամենտը 1,5 մլն ֆրանկ է հատկացրել մարդասիրական կազմակերպություններին, որոնք օգնություն են ցուցաբերում Լեռնային Ղարաբաղի բնակիչներին:
«Շվեյցարիան ուժեղացնում է իր աջակցությունը Լեռնային Ղարաբաղի խաղաղ բնակչությանը: Արտաքին գործերի դաշնային դեպարտամենտը որոշել է տրամադրել մոտ 1,5 միլիոն ֆրանկ՝ տեղում մարդասիրական օգնությանն աջակցելու համար: Այդ գումարը կբաշխվի տեղում գործող հիմնական մարդասիրական կազմակերպություններին, որից 500.000 ֆրանկը՝ ԿԽՄԿ-ին»,- գրված է դեպարտամենտի կայքում։
