Հայկական արտադրության թոքերի արհեստական շնչառության սարքավորումներն ամբողջությամբ պատրաստ են կլինիկական փորձարկումների, սերտիֆիկացման և արտադրության համար։
Այս մասին Facebook-ի իր էջում գրել է ՀՀ ԲՏԱ նախարար Հակոբ Արշակյանը, հրապարակելով նաև տեսանյութ։
Նա նշել է, որ ներկայացված սարքը բարդ ինժեներական համակարգ է, որն օդի ծավալի և ճնշման ղեկավարման մշակված ալգորիթմների օգնությամբ անհրաժեշտ ծավալներով փոխարինում է մարդու շնչառական համակարգին:
«Ամերիկյան NASA JPL լաբորատորիայի հետ համագործակցության արդյունքում կարող եք տեսնել, որ սարքերի 5 օրինակներ արդեն պատրաստ են և անցնում են փորձարկումներ հետագայում սերտիֆիկացվելու և արտադրվելու նպատակով», – գրել է Արշակյանը։
Նա գրանցած հաջողության համար շնորհավորել է «Ինժեներական ասոցիացիային», «Ինժեներական քաղաքին», «ԵԻԱ ինժեներինգ» ընկերությանը և հայկական ինժեներական համայնքին։
Նախարարն իր գրառման վերջում հույս է հայտնել, որ սա կվերածվի իսկական արտադրության և Հայաստանում զարգացում կապրի բժշկական սարքաշինությունը։
https://www.facebook.com/hakobarshakyanpage/posts/4563433027016703?__cft__%5B0%5D=AZXLadizNwnytw_hA9JeNqknYjRsJrh7ZvjusW-Eq8cLGWltz_0zCDY3-H5QZk4I2T4L0jv3xVA84-K0AvWAtKOVxvDN0yJ0YyT04eECMeGae1LOTbjtip1AC3k9gpdmP7XK0_qrLMLiha27eAEVlfhoXG88r36RAqo0pgzDWmGdTA&__tn__=%2CO%2CP-R