Գեղարքունիքի մարզի Գեղարքունիք գյուղում օրերս կտրվի ՀՀ կառավարության կողմից հաստատված սուբվենցիոն երկու ծրագրերի մեկնարկը։ Գեղարքունիք համայնքի ղեկավար Արայիկ Աբրահամյանը հայտնել է, որ սուբվենցիոն առաջին ծրագրով նախատեսվում է ոռոգման ջրատարի ներքին ցանցի վերանորոգում եւ վերակառուցում՝ տարբեր տրամաչափերի երկաթյա խողովակներով եւ կիսախողովակներով։ Ծրագրի պայմանագրային արժեքը կազմում է 31 միլիոն 200 հազար դրամ, որի 70 տոկոսը կամ 21 միլիոն 840 հազար դրամը հատկացնում է ՀՀ կառավարությունը, 9 միլիոն 360 հազար դրամը՝ Գեղարքունիքի համայնքապետարանը։ Ծրագրով նախատեսված է ոռոգման ներքին ցանցի վերանորոգում կամ վերակառուցում տարբեր թաղամասերում, շուրջ 2 կիլոմետր երկարությամբ։
- Իշխան Սաղաթելյանի՝ ԱԺ փոխխոսնակ ընտրվելու ՔՊ-ն չի խոչընդոտի․ հաստատեց նաև Ալեն Սիմոնյանը
- Նիկոլ Փաշինյանը շնորհավորել է Ալեն Սիմոնյանին՝ ԱԺ նախագահի պաշտոնում ընտրվելու կապակցությամբ
Սուբվենցիոն երկրորդ ծրագրով նախատեսվում է խմելու ջրատարի նոր խողովակաշարի կառուցում 1400 մետր երկարությամբ, որտեղ ասբեստի խողովակները փոխարինվելու են մետաղապլաստե խողովակներով։ Ծրագրի պայմանագրային արժեքը կազմում է 15 միլիոն 200 հազար դրամ, որի 70 տոկոսը կամ 10 միլիոն 900 հազար դրամը հատկացնում է ՀՀ կառավարությունը, 30 տոկոսը կամ 4 միլիոն 800 հազար դրամը՝ Գեղարքունիքի համայնքապետարանը։
Ավելի մանրամասն «Արմենպրես»-ում։
