Ֆինանսական տեղեկատվության փոխանակման SWIFT միջազգային համակարգի գործադիր տնօրեն Գոթֆրիդ Լեյբբրանդը հայտարարել է հրաժարական տալու մասին: Այս մասին ասվում է համակարգի կայքում:
Նա մտադիր է պաշտոնից հեռանալ մինչև 2019 թվականբի հունիս:
Պատճառը, որի համար նա հրաժարական է տալիս, չի նշվում:
Գործադիր տնօրենի պաշտոնը SWIFT-ում նա զբաղեցնում է 2012 թվականից, իսկ համակարգում՝ 2005 թվականից:
«Լինելով գործադիր տնօրեն Գոթֆրիդն ապահովել է SWIFT-ի կայուն ֆինանսական դրությունը, ուժեղացրել է համակարգի ռիսկերի և անվտանգության կառավարման գործառույթները», – հայտարարել է SWIFT-ի խորհրդի նախագահ Յավար Շահը:
Ֆինանսական տեղեկատվության փոխանակման միջազգային համակարգը թույլ է տալիս բանկերին և ընկերություններին փոխանակվել ֆինանսական հաղորդագրություններով ամբողջ աշխարհում: