Դեկտեմբերի 9-ին Սյունիքի մարզում պարեկները հաջողությամբ վնասազերծել են փախուստի դիմած անձանց և հայտնաբերել մեծ քանակի թմրամիջոց։ Պարեկային ծառայության գումարտակում ստացված օպերատիվ տեղեկությունների համաձայն՝ Մեղրի-Երևան Մ2 ճանապարհին «Toyota» մակնիշի ավտոմեքենան կասկածվել է թմրամիջոցների առկայությամբ։
Մեղրի-Երևան ավտոճանապարհի 43-րդ կմ հատվածում պարեկները նկատել են կասկածելի ավտոմեքենան և կանգնեցրել այն։ Վարորդը պնդել է, որ մեքենայում ոչ մի կասկածելի իր կամ թմրամիջոց չկա։ Սակայն ուղևորներից մեկը փորձել է փախուստի դիմել, ինչից հետո պարեկները վարորդին նստեցրել են իրենց մեքենան և սկսել հետապնդում։
Մոտ 2 կմ հետապնդումից հետո պարեկները վնասազերծել են փախուստի դիմած անձանց։ Ձորում հայտնաբերվել են թմրամիջոցի նմանվող նյութերով լցված փաթեթներ։
Հետաքննության ընթացքում պարզվել է, որ բերման ենթարկվածները Գեղարքունիքի մարզի բնակիչներ 44-ամյա Արամ Ճաղարյանն ու 34-ամյա Անդրանիկ Բաղդասարյանն են, ինչպես նաև Սյունիքի մարզի բնակիչ 58-ամյա Աբել Ոսկանյանը։
Ավտոմեքենայից հայտնաբերվել են 3,981 գ «մարիխուանա», 5,474 գ «հերոյին» և 2,000 հատ «մեթադոն» տեսակի դեղահաբ։ Կասկածյալներից մեկը խոստովանել է, որ թմրամիջոցներն իրենց փոխանցվել են Հայաստան-Իրան պետական սահմանի մոտ՝ փշալարերի վրայից նետելու եղանակով՝ ԻԻՀ քաղաքացու կողմից։
Արամ Ճաղարյանն ու Անդրանիկ Բաղդասարյանը ձերբակալվել են։ Նախաքննությունը շարունակվում է՝ պարզելու համար դեպքի բոլոր հանգամանքները։
ԽՈՐՀՈւՐԴ Է ՏՐՎՈւՄ ԿԱՐԴԱԼ
