Արմեն Սարգսյա

Հանրապետության նախագահ Արմեն Սարգսյանն այսօր հանդիպել է Հայրենիքի փրկության շարժման մաս կազմող՝ Հայաստանի Հանրապետական կուսակցության Գործադիր մարմնի անդամ Վահրամ Բաղդասարյանի հետ: Հանդիպումը տեղի է ունեցել Հանրապետության նախագահի հրավերով: Այս մասին տեղեկանում ենք նախագահի կայքից: Զրուցակիցները մտքեր են փոխանակել երկրում ստեղծված իրավիճակի հանգուցալուծման, վերջին իրադարձություններով պայմանավորված լարվածության թուլացման ուղիների շուրջ:

Բաղրամյան պողոտայում «Հայրենիքի փրկության շարժման» համակարգող Իշխան Սաղաթելյանը հայտնեց, որ Հանրապետության նախագահ Արմեն Սարգսյանն այսօր՝ 15։40-ին կհանդիպի «Հայրենիքի փրկության շարժման» ներկայացուցիչներին։ «Նախագահի ներկայացուցիչը հայտնել է, որ 15։40-ին նախագահը կընդունի մեր պատվիրակությանը։ Մեր պատվիրակությունը կհանդիպի նախագահի հետ, այնուհետեւ Բաղրամյանի հրապարակում արդյունքների մասին ձեզ կզեկուցենք»,- նշեց նա։ Այս պահին ակցիայի մասնակիցները երթով շարժվում են դեպի նախագահի նստավայր։…