մարտական պատրաստություն

Մարտավարական տարբեր իրավիճակներում մարտական խնդիրների կատարման ունակությունները զարգացնելու, հարձակման ժամանակ զինծառայողների ճիշտ և համակարգված գործելու հմտությունները կատարելագործելու նպատակով 4-րդ զորամիավորման N զորամասում անցկացվել են մարտական պատրաստության պարապմունքներ: Այս մասին հայտնում են ՀՀ ՊՆ պաշտոնական կայքից։ Նշվում է, որ զինծառայողները գործել են ըստ նորմացույցների, կատարել առաջադրված ուսումնամարտական խնդիրները:

1-ին զորամիավորման ենթակայությամբ գործող զորամասերից մեկն ապրիլի 6-ին բերվել է մարտական պատրաստության բարձր աստիճանի: Անձնակազմը զբաղեցրել է նախորոշված շրջանները, բացազատվել են դաշտային կապի հանգույցներ, ստուգվել է զինծառայողների պատրաստվածության աստիճանը։ Առաջադրված խնդիրները կատարվել են լիարժեք, անձնակազմը ցուցաբերել է բարձր պատրաստվածություն: Աղբյուրը` mil.am:  

4-րդ զորամիավորման ենթակայությամբ գործող զորամասերից մեկի մարտավարական դաշտում անցկացվել է մարտական պատրաստության պարապմունք: Անձնակազմին ուսուցանվել են հակառակորդի հարվածների հետմղման, զբաղեցրած շրջանների և դիրքերի պահպանության կազմակերպման, հարձակման ժամանակ հակառակորդի պաշտպանության ճեղքման, նահանջող հակառակորդի հետապնդման և հանդիպակաց մարտի վարման գործնական հմտություններ: Այս մասին տեղեկացնում են ՀՀ ՊՆ պաշտոնական կայքից։

5-րդ զորամիավորումում շարունակվում են զորահամալրված անձնակազմի մարտական պատրաստության պարապմունքները։ Հրամանատարական կազմը նախապատրաստում է պահեստազորայիններին հետագա մարտական խնդիրները պատշաճ իրականացնելուն, կատարելագործվում են մարտական պատրաստության տեսական և գործնական գիտելիքները։ Այս մասին տեղեկացնում են ՀՀ ՊՆ պաշտոնական կայքից։

Սեպտեմբերի 9-ին 4-րդ զորամիավորման զորամասերից մեկում նորակոչիկների հետ անցկացվել են հերթական ստուգարքները մարտավարամասնագիտական, շարային, ֆիզիկական, հասարակական-պետական պատրաստություն և այլ առարկաներից: Այս մասին տեղեկացնում են ՀՀ ՊՆ պաշտոնական կայքից։