ՀՀ էկոնոմիկայի նախարար Տիգրան Խաչատրյանը այսօր լրագրողների հետ ճեպազրույցի ժամանակ խոսեց տնտեսական ակտիվության մասին։
Նա նշեց, որ 9 ամիսների կտրվածքով նախորդ տարվա համեմատ Հայաստանում արդեն իսկ կա տնտեսական ակտիվության առնվազն 0,5 տոկոս աճ։
Խաչատրյանի խոսքով՝ տարվա 4-րդ եռամսյակի ամփոփումից հետո տարին կավարտենք ավելի բարձր ցուցանիշով, քանի որ դեռ պետք է ամփոփվեն խաղողի բերքի հետ կապված վիճակագրական ցուցանիշները, որոնք էապես ավելի բարձր են այս տարի։