Լոնդոնի Overground երկաթուղային ցանցում սպասվում են էական փոփոխություններ․ Տրանսպորտի համար պատասխանատու ՏFL-ն կնքել է 3 մլրդ ֆունտ ստերլինգի պայմանագիր First Rail London-ի հետ՝ վերջինը դառնալով ցանցի նոր օպերատորը ու խոստանալով ավելացնել ժամային գնացքները ու կատարել ենթակառուցվածքային բարելավումներ։
2026-ի մայիսից Mildmay գծում ավելանալու են ժամային գնացքները, իսկ Windrush գիծը դեկտեմբերի դրությամբ կունենա մինչև 18 գնացք ժամում՝ նպաստելով ուղևորափոխադրումների հոսքի աճին ու ժամանման ճշգրտությանը։ Նոր օպերատորը պարտավորվում է բարելավել կայարանների անվտանգությունը՝ արդիականացնելով տեսախցիկները, օգնության կետերը, ինչպես նաև տրամադրելու է ուղևորներին իրական ժամանակում ճանապարհորդության վերաբերյալ տեղեկատվություն։
Պայմանագրի ընտրությունը քննարկումների տեղիք է տվել․ մասնավոր ընկերության ներգրավումը քննադատվել է արհմիության կողմից, ով պնդում է, որ որոշումը հակասում է երկաթուղու պետականացման քաղաքականությանը։ Այնուամենայնիվ, ՏFL-ն ընդգծում է, որ այս մոդելը առավել արդյունավետ ու բարձր որակի ծառայություններ է ապահովում։ Առաջիկա տարիներին Լոնդոնի Overground-ը կունենա նոր օպերատոր, ով պարտավորվում է ոչ միայն բարելավել ծառայությունները, այլ նաև նպաստել ցանցի կայուն զարգացմանը՝ համահունչ մայրաքաղաքի էկոլոգիական նպատակներին։