ՀՀ պաշտպանության նախկին նախարար Դավիթ Տոնոյանը հանդես է եկել հայտարարությամբ, որտեղ անդրադարձել է 2020 թվականի ռազմական գործողությունների հանգամանքների ուսումնասիրման նպատակով ստեղծված քննիչ հանձնաժողովի զեկույցին։ Տոնոյանը նշել է, որ 2023 թվականի օգոստոսի 1-ին և 2-ին տեղի ունեցած նիստերի արձանագրություններին ծանոթանալու և պարզաբանումներ տալու իր դիմումները մերժվել են։ Ազգային ժողովի աշխատակազմի ղեկավարի պատասխանի համաձայն՝ հանձնաժողովի զեկույցը չունի «Ազգային ժողովի կանոնակարգ» սահմանադրական օրենքի 25-րդ հոդվածով նախատեսված իրավական կարգավիճակ։
Տոնոյանը դիմել է իրավաբանական օգնություն ցուցաբերող փաստաբանական խմբին, ստացել համապատասխան խորհրդատվություն և կրկին դիմել ԱԺ նախագահին՝ խնդրելով թույլատրել ծանոթանալ փաստաթղթին։ Նա ընդգծել է, որ պատրաստ է հրապարակել փաստաբանական խմբի տրամադրած պարզաբանումներն ու ԱԺ աշխատակազմի հետ նամակագրությունը։ Տոնոյանը կարևորել է իր դիրքորոշման հիմնավորումը՝ կապված զեկույցի իրավական կարգավիճակի և դրա վերաբերյալ իր իրավունքների հետ։