Նոր ֆուտբոլիստներ ձեռք բերելու համար Լոնդոնի «Տոտենհեմը» ամառային տրանսֆերային պատուհանի ընթացքում գումար չի ծախսվելու։
«Տոտենհեմը» լուրջ ֆինանսական խնդիրներ ունի աշխարհում հայտարարած կորոնավիրուսի համաճարակի պատճառով։ Դրա պատճառով հնարավաոր է, որ ղեկավարությունը նվազեցնի ֆուտբոլիստների աշխատավարձը։
«Տոտենհեմի» ղեկավարությունը փորձելու է պայմանագրեր կնքել այն ֆուտբոլիստների հետ, որոնք ամռանը ստանալու են ազատ գործակալի կարգավիճակ: Ամռանը ազատ գործակալի կարգավիճակ ստանալու են Դանիել Սթարիջը, Օլիվյե Ժիրուն, Տոմե Մենյեն և Դրիս Մերտենսը, ովքեր այս պահին գտնվում են ղեկավարության ուշադրության կենտրոնում։
Հիշեցնենք, որ մինչ այս կորոնավիրուսի պատճառով դադարեցված են Եվրոպայի առաջատար ֆուտբոլային առաջնությունները:
Աղբյուրը ՝ Express-ը:
