ԱՄՆ-ի նախագահ Դոնալդ Թրամփը մեկնաբանել է շվեդ ակտիվիստուհի Գրետա Թունբերգի հուզական ելույթը ՄԱԿ-ում, որտեղ նա աշխարհի ղեկավարներին մեղադրել է գողացված մանկության մեջ։ Այս մասին Թրամփը գրել է թվիթերյան իր էջում։
«Նա նման է շատ երջանիկ աղջկա, որը լուսավոր և հիանալի ապագա է ունենալու: Հաճելի է դա տեսնել»,-գրել է նա՝ տարածելով Թունբերգի ելույթի տեսագրությունը, որտեղ ակտիվիստը խոսում է այն մասին, որ «մարդիկ տառապում են, մահանում, ոչնչանում են էկոհամակարգեր, իսկ շատ տեսակներ անհետացման եզրին են»:
She seems like a very happy young girl looking forward to a bright and wonderful future. So nice to see! https://t.co/1tQG6QcVKO
— Donald J. Trump (@realDonaldTrump) September 24, 2019
Թունբերգի խոսքով՝ այս ամենի ֆոնին միակ բանը, ինչի մասին մտածում են աշխարհի ղեկավարները, փողն է և հեքիաթները տնտեսական աճի մասին: Նա հայտարարել է, որ նոր սերունդներն ուշադրությամբ հետևելու են ներկայիս իշխանությունների գործողություններին և երբեք չեն ների, եթե նրանք փորձանքի մեջ գցեն իրենց:
Թրամփի հաղորդագրության շուրջ Twitter-ի օգտատերերի կարծիքները բաժանվել են: Շատերը մեկնաբանություններում նրա գրառումը համարել են նողկալի և վրդովվել են, որ ԱՄՆ-ի նախագահը ծաղրում է 16-ամյա ակտիվիստուհուն: Իսկ մյուսները սոցցանցում ԱՄՆ-ի ղեկավարի հրապարակումը ծիծաղելի կատակ են համարել: