Նախորդ տարվա վերջին հայտնի դարձավ, որ Թրամփի վարչակազմը որոշում է կայացրել ետ կանչել շուրջ 30 դեսպանների, այդ թվում՝ Հայաստանում ԱՄՆ դեսպանին: Սա առաջացրել է բազմաթիվ քննարկումներ, թե արդյոք ՀՀ-ում ԱՄՆ դեսպան Քրիստինա Քվինը Բայդենի թիմի ներկայացուցիչ էր կամ հակասության մեջ էր Թրամփի քաղաքական թիմի հետ: Միջազգայնագետ Սուրեն Սարգսյանը նշում է, որ ԱՄՆ-ն ունի շուրջ 200 դեսպանական պաշտոն, որոնցից մոտ 50 տոկոսը այս պահին թափուր է: Այս թիվը չի ներառում 30 դեսպաններին, որոնց ետկանչի մասին հայտնի դարձավ վերջերս: Դժվար է ենթադրել, որ նրանք ետ են կանչվել միայն Բայդենի վարչակազմի պատճառով, քանի որ շուրջ 75 դեսպաններ, որոնք նշանակվել են Բայդենի կողմից, շարունակում են պաշտոնավարել:
Սարգսյանը նաև ընդգծում է, որ քաղաքական լոյալությունը բնորոշ է քաղաքական նշանակումներ ստացած դեսպաններին, ոչ թե կարիերային դեսպաններին, որոնք չեն զբաղվում քաղաքականությամբ: Նա կարծում է, որ քիչ հավանական է, որ Պետքարտուղարությունում դժգոհություն է եղել Հայաստանում ԱՄՆ դեսպանի գործունեությունից: Դեսպանները երբեք չեն գործում իրենց երկրի ղեկավարության քաղաքական գծին հակառակ, և նման դեպքերում նրանք արագ դուրս են մղվում համակարգից: Հետևաբար, 30 դեսպանների ետկանչի պատճառները կարող են լինել այլ բնույթի: