Լրագրող Անի Ավետյանը Facebook-ի իր էջում գրել է, որ Թուրքիայի փոխնախագահի խոսքը սխալ է ներկայացվել։
- Հայտնի է Ռուբինյան-Քըլըչ նոր հանդիպման օրն ու տեղը
- Նախատեսվո՞ւմ է Փաշինյանի այց Թուրքիա․ հարցին անդրադարձել է ԱԳՆ խոսնակը
«Թուրքիայի փոխնախագահի խոսքը լսեցի։ Թուրքական բոլոր առաջատար կայքերը սխալ են ներկայացրել թուրք պաշտոնյայի ասածը։
Ֆուաթ Օքթայը ոչ թե ասում է Փաշինյանը մեկնելու է Թուրքիա, այլ հղում է անում ավելի վաղ այս թեմայով Փաշինյանի արած արտահայտությանը, որ Հայաստանը կընդունի հրավերը։
Երկրորդ անգամ թուրքական մեդիան այսպիսի խայծ է նետում։ Առաջին անգամ Չավուշօղլուն էր՝ ճիշտ նույն ձևով։
Սա արդեն դիտավորություն է և նշանակում է, որ թուրքերին պետք է Փաշինյանի Անթալիա գնալը։ Եվ ավելի հստակ է մի բան՝ ՀՀ վարչապետի այցը Թուրքիա պետք է այնքան թանկ ծախել Թուրքիայի վրա, որքան առնվազն իրենք ծախեցին թռիչքների վերականգնումը։ Ավելիի մասին լռեմ։
Արձանագրենք միայն, որ թուրք լրագրողների խայծը բացահայտելը հայ լրագրողների համար տևում է ճիշտ այնքան, որքան իրենց պաշտոնյայի հարցազրույցը լսելն ու դժվար հավատան՝ թարգմանելը։
Թերագնահատում եք պարոնայք ֆահրեթիններ», – գրել է Ավետյանը։
