Այս պահին Անկարան և ԱՄՆ-ը քննարկում են F-16 կործանիչների գնման գործարքի տեխնիկական մանրամասները։ Թուրքիայի ազգային պաշտպանության նախարար Հուլուսի Աքարը բացահայտել է բանակցությունների մանրամասները։
Նշվում է, որ թուրքական կողմը նախատեսում է Վաշինգտոնից գնել 40 F-16 կործանիչ և արդիականացնել ևս 80-ը։։ Թուրքիայի պաշտպանության նախարարության ղեկավարը հայտնել է, որ երկրի պատվիրակությունը մեկնել է ԱՄՆ և բանակցություններ է վարել այդ հարցի շուրջ։ Նա նշել է, որ շփումները սպասվածից ավելի դրական են եղել։
«Ուստի մենք գնահատում ենք, որ այս գործընթացը դրական է լինելու, ոչ թե բացասական, այն շարունակվում է, քննարկում ենք տեխնիկական մանրամասները»,- եզրափակել է Աքարը։