Ապրիլի 17-ի երեկոյան Նյու Յորքի XIX դարի Սբ Պատրիկի տաճարում բենզինի տարաներով և մի քանի կրակայրիչով տղամարդ է ձերբակալվել:
Տաճարում, որտեղ հավատացյալներ կային, նրան կանգնեցրել է պահակակետի աշխատակիցը և բացատրել, որ դյուրավառ նյութեր չի կարելի ներս տանել: Երբ տղամարդ հեռացել է, պատահարի մասին հայտնել են ոստիկանություն, գրում է Bird in Flight-ը:
Նյու Յորքի ոստիկանության կոմիսարի տեղակալ Ջոն Միլլերն ասել է լրագրողներին, որ ձերբակալված 37-ամյա տղամարդու դրդապատճառները հետաքննում է ահաբեկչության դեմ պայքարի բաժինը:
«Դժվարանում եմ ասել, թե որոնք էին նրա դրդապատճառները, բայց կարծում եմ, որ մարդը այդպիսի կարևոր տեղ է գալիս 15 լ բենզինով և կրակայրիչների համար նախատեսված 2 լ հեղուկով և կրակայրիչներով, դա մտահոգվելու առիթ է»,-ասել է նա:
Միջադեպը տեղի է ունեցել Փարիզի Աստվածամոր տաճարում բռնկված հրդեհից 2 օր անց: Սբ Պատրիկի կտուրը, ինչպես և Աստվածամոր տաճարինը, փայտից է: