Ուժային եռամարտի հավաքական թիմը հաջող մասնակցություն է ունեցել Եվրոպայի առաջնությունում-Azat TV
Սպորտ
16:06 25/05/2021

Ուժային եռամարտի հավաքական թիմը հաջող մասնակցություն է ունեցել Եվրոպայի առաջնությունում

Հայաստանի ուժային եռամարտի հավաքական թիմը մասնակցեց Ուկրաինայի Լուցկ քաղաքում կայացած ուժային եռամարտի Եվրոպայի առաջնությանը:

ՀՊՖ նախագահ Գագիկ Սարոյանի գլխավորությամբ Հայաստանի ուժային եռամարտի հավաքականի թիմը մասնակցեց Ուկրաինայի Լուցկ քաղաքում կայացած ուժային եռսմարտի Եվրոպայի առաջնությանը,որտեղ մասնակցում էին 12 երկրների շուրջ 300 մարզիկներ:

Այդ ստուգատեսում աշխարհի չեմպիոն ԱԻՆ հրշեջ փրկարար աշխարհի կրկնակի չեմպիոն, գինեսի ռեկորդակիր վանաձորցի Զորիկ Պողոսյանը 100 կգ քաշայինների պայքարում եռամարտում բարձրացնելով 625 կգ՝ դարձավ Եվրոպայի եռակի չեմպիոն: Կքանիստ վարժությունը հրշեջ փրկարարը կատարեց 270 կգ շրջանցեց բոլոր քաշային կարգի մարզիկներին և դարձավ այդ վարժության բացարձակ հաղթող եվ ռեկորդակիր։

Զորիկ Պողոսյանը մրցահարթակ դուրս եկավ Հայ զինվորի մարզաշապիկով։ Մարզաշապիկի վրա պատկերված զինվորը Արցախյան պատերազմում հերոսաբար զոհված Վանաձորցի Լիպարիտ Չիլինգարյանն է։ Զորիկը իր հաղթանակը նվիրեց պատերազմում հերոսաբար զոհվածների անմար հիշատակին։ Առաջնության մեծահասակների խմբում ոսկե մեդալակիրներ դարձան նաև Արտյոմ Սոլոյանը, գյումրեցիներ Մակար Թամրազյանը, Արա Խաչատրյանը, երևանցիներ Հայկ Աֆյանը, Արթուր Առաքելյանը, Արտավազդ Առաքելյանը:

Ուժային եռամարտի հավաքականը թիմային հաշվարկում գրավեց առաջին տեղը:

ԱՄԵՆԱԴԻՏՎԱԾՆԵՐԸ

ՎԵՐ