Ուկրաինայի հարցով բանակցությունների ժամանակն արդեն եկել է։ Այս մասին CNBS-ին ասել է նախկին նախագահ Դոնալդ Թրամփի վարչակազմում ԱՄՆ ֆինանսների նախարարության նախկին ղեկավար Սթիվեն Մնուչինը։
«Ես միանգամայն վստահ եմ, որ եկել է բանակցությունների ժամանակը։ Լավագույն դեպքում մենք կարող ենք դադարեցնել մարտերը, նույնիսկ եթե մշտական զինադադար չլինի»,- ասել է Մնուչինը։
Նա նաև ասել է, որ ԱՄՆ նախագահ Ջո Բայդենի և Չինաստանի նախագահ Սի Ցզինպինի հանդիպմանը կետերից մեկն այն էր, որ երկու առաջնորդները կարող են հարցը լուծել բանակցությունների միջոցով։ Բացի այդ, նրա կարծիքով, հակամարտության ձգձգման արդյունքում Եվրոպան կարող է բախվել անուղղելի հետևանքների։