Յունայթեդի նախկին խաղացողները իրավունք ունեն քննադատելու. Ֆրեդ

«Մանչեսթեր Յունայթեդ»-ի կիսապաշտպան Ֆրեդը մեկնաբանել է թիմի անհաջող ելույթները։

«Նախկին խաղացողները քննադատելու իրավունք ունեն, նրանք այդքան տիտղոսներ են նվաճել։ Մենք պետք է ուղղակի լռենք ու խաղադաշտում մեր գործն անենք։

Որոշ քննադատություններ անիմաստ են, բայց շատերն էլ կարող են օգտակար լինել։ Ինձ դուր է գալիս կարդալ, թե մարդիկ ինչ են ասում իմ խաղի մասին։ Կարող եմ փորձել ավելի լավ խաղալ։

Ես հասկանում եմ քննադատությունը, ամեն օր, երբ գալիս եմ մարզման, մեծ տառերով տեսնում եմ ակումբի անունն ու պատասխանատվություն եմ զգում։ Հասկանում եմ, որ ՄՅՈՒ-ն հսկայական ակումբ է։ Ինձ դուր է գալիս կարդալ պատմության, լավագույն խաղացողների ու անցյալի կարևոր պահերի մասին։

Մեզ համար դեռ ամեն ինչ անհաջող է դասավորվում։ Մեր մրցակիցները տիտղոսներ են նվաճում, իսկ մենք նույնիսկ ՉԼ-ում չենք հայտնվում։ Երկրպագուները դրանից վշտանում են, ես նույնպես»,- Ֆրեդի խոսքերն է մեջբերում Esporte Interativo-ն։

 

Ամենաթարմ