Միացյալ Նահանգները պատրաստվում է աննախադեպ հարվածներ հասցնել Իրանին, եթե Իսլամական Հանրապետությունը հարձակվի ամերիկյան ռազմական և առևտրային օբյեկտների վրա։ Այս մասին հայտարարել է ԱՄՆ նախագահ Դոնալդ Թրամփը՝ Սպիտակ տան YouTube ալիքով ուղիղ հեռարձակմամբ։ Նա նշել է, որ եթե Իրանը կատարի նման քայլ, ապա ԱՄՆ-ն կհարվածի նրանց այնպիսի ուժով, որը նրանք երբեք չեն զգացել։
Թրամփը նշել է, որ իրանական կողմը անցնում է “կարմիր գիծը” և որ ամերիկյան զինված ուժերը հետևում են իրավիճակին։ Նա չի բացառել Իրանի ներկայացուցիչների հետ բանակցությունների հնարավորությունը, սակայն ընդգծել է, որ ԱՄՆ-ն լրջորեն մտածում է իրավիճակին արձագանքելու մասին։ ԱՄՆ նախագահը հայտնել է, որ կարող են ձեռնարկվել քայլեր, որոնք կօգնեն վերականգնել Իրանում ինտերնետ կապը, որը խափանված է բողոքի ցույցերի պատճառով։
Թրամփը նաև ընդգծել է, որ իր մոտ կան «շատ հզոր տարբերակներ», որոնք նախատեսում են Իրանի դեմ ռազմական գործողություններ։ Հունվարի 11-ին CNN-ը հաղորդել է, որ Թրամփը քննարկում է Իրանի դեմ ռազմական տարբերակներ, հատկապես երկրում տեղի ունեցող զանգվածային բողոքի ցույցերի ֆոնին։