Սպիտակ տանը Թուրքիայի արտաքին գործերի նախարար Հաքան Ֆիդանը և ԱՄՆ պետքարտուղար Մարկո Ռուբիոն քննարկել են հատկապես Գազայի հատվածում և Սիրիայում տիրող իրավիճակը:
Նշենք, որ Իսրայելը դեմ է Գազայի շրջանում խաղաղապահ առաքելություն իրականացնելու գործում Թուրքիայի ներգրավմանը։ Ուստի ԱՄՆ աջակցությունը շահելու համար պայքար է գնում Իսրայելի եւ Թուրքիայի միջև։
«Պետքարտուղար Ռուբիոն հանդիպել է արտաքին գործերի նախարար Ֆիդանի հետ՝ քննարկելու Գազայի հատվածում հրադադարը և տարածաշրջանում կայունություն ապահովելու հետագա քայլերը։ Պետքարտուղարը և արտգործնախարարը հաստատել են իրենց շարունակական աջակցությունը կայուն խաղաղության հասնելու ջանքերին», – ասված է ԱՄՆ պետքարտուղարության հաղորդագրության մեջ։