Վենեսուելայի նախագահ Նիկոլաս Մադուրոն հայտարարել է, որ իր երկիրը մշտապես երախտապարտ է Ռուսաստանին օգնության համար։ Այս մասին նա ասել է RIA Novosti-ի հետ զրույցում։
Նա հավելել է, որ նախագահ Վլադիմիր Պուտինը մշտապես օգնություն է ցուցաբերում բոլոր իմաստներով։ Նրա խոսքերով՝ Վենեսուելան մտադիր է շարունակել Ռուսաստանից ժամանակակից զենք ստանալ։
Մադուրոն հայտարարել է, որ ազգային անվտանգության հարցերով ԱՄՆ նախագահի խորհրդական Ջոն Բոլթոնն արգելել է Թրամփի վարչակազմին կապեր հաստատել Վենեսուելայի կառավարության հետ։
Մադուրոն նշել է, որ փորձել է շփման եզրեր գտնել, սակայն ապարդյուն։ Մադուրոն պատրաստակամություն է հայտնել խոսելու Թրամփի հետ որտեղ նա ցանկանա՝ ցանկացած օրակարգով։
Մադուրոն նշել է, որ Վենեսուելայում ԱՄՆ-ի գլխավոր նպատակը նավթը և այլ ռեսուրսները ստանալն է։