fbpx
Աշխարհ

Վենեսուելան չի խզի հարաբերությունները Եվրոպական երկրների հետ

Վենեսուելայի իշխանությունները մտադիր չեն խզել հարաբերությունները եվրոպական երկրների հետ, չնայած այն բանին, որ նրանցից շատերն ընդդիմության առաջնորդ Խուան Գուայդոն ճանաչել են երկրի ժամանակավոր նախագահ:

Այս մասին հայտարարել է Վենեսուելայի արտաքին գործերի նախարար Խորխե Արեասան «Radio y Televisiցn Espaրola» կորպորացիայի կողմից հրապարակված հարցազրույցում:

«Մենք միշտ էլ մեծ կարևորություն ենք տվել եվրոպական ներդրողներին։ Սխալ կլիներ խզել հարաբերությունները»,- ասել է ԱԳ նախարարը:

Նրա խոսքով՝ Կարակասում չեն զարմացել քայլերից, որոնք Եվրամիության կողմից ձեռնարկվեցին ի պատասխան Վենեսուելայում ստեղծված ճգնաժամի:

Արեասան ընդգծել է, որ Կարակասն ԱՄՆ-ին է համարում «պետական հեղաշրջման հրահրողը»: Մեկնաբանելով ԵՄ-ի և Ուրուգվայի մասնակցությամբ շփման խմբի առաջիկա նիստը՝ ԱԳ նախարարը հայտարարել է, որ Կարակասը «միշտ էլ բաց է աջակցության և միջնորդության բոլոր տարբերակների համար»:

ԱՄԵՆԱԴԻՏՎԱԾՆԵՐԸ

ՎԵՐ