Մետրոպոլիտենը վերսկսել է իր աշխատանքը

Այսօր առավոտյան՝ ժամը 06:00-ից Կ. Դեմիրճյանի անվան Երևանի մետրոպոլիտենը չէր գործում, քանի որ մեքենավարները հրաժարվել էին դուրս գալ աշխատանքի:

Նրանք պահանջել են աշխատավարձի բարձրացում: Մետրոպոլիտենի տնօրինության և աշխատանքի դուրս չեկած մեքենավարների միջև բանակցություններից հետո մետրոպոլիտենի բնականոն աշխատանքը 09:30-ից վերականգնվել է:

Այս մասին հայտնում են Երևանի քաղաքապետարանից։