Նյու Յորքի պիցցան ճանաչվել է աշխարհում լավագույնը։ 50 Top Pizza Awards-ը հրապարակել է 2024 թվականի համաշխարհային ցուցակը, և Ստորին Իսթ Սայդի ռեստորանը հայտնվել է առաջին տեղում:
Una Pizza Napoletana-ն, որը բացվել է պիցցայի վարպետ Էնթոնի Մանգիերիի կողմից 2022 թվականի մարտին, գերազանցել է ոչ միայն ամերիկյան, այլև համաշխարհային մրցակիցներին։ Դրանք ներառում են Նեապոլում գտնվող պիցցերիաները՝ սուրբ հող պիցցայի սիրահարների և ընդհանրապես սննդի սիրահարների համար:
«Ոգեշնչող է ճանաչվել իմ կարիերայի այս 30 տարիների ընթացքում, հատկապես Նեապոլում, որտեղ ծնվել է պիցցան»,-CNN Travel-ին ասել է Մանգիերին:
Բացի այդ, Մեծ խնձորի երեք այլ պիցցերիաներ նույնպես ընդգրկվել են 2024 թվականի ցուցակում, որտեղ ներառվել է, ընդհանուր առմամբ, 101 ռեստորան (չնայած մրցանակի անվանման «50»-ին): Նյու Յորքի մյուս պիցցերիաները դասակարգվել են հետևյալ կերպ. Ribalta-ն 19-րդ տեղում է, Don Antonio-ն 30-րդ տեղում է, իսկ L’industrie Pizzeria-ն՝ 80-րդ:
Իտալիան շարունակում է գլխավորել ընդհանուր ցուցակը` 41 հաստատություններով, մինչդեռ Միացյալ Նահանգները ստացել է, ընդհանուր առմամբ, 15 մրցանակ: Իսկ Նեապոլին հաջողվել է շրջանցել Նյու Յորքին՝ հինգ հայտով՝ կիսելով երկրորդ տեղը պիցցերիա Diego Vigtaliano-ի հետ։
Ցուցակում ներառված էին երկրներ, որոնք այնքան էլ հայտնի չեն իրենց պիցցերիաներով՝ Հարավային Կորեան, Բոլիվիան և Հնդկաստանը:
