«Հերտայի» պաշտոնական կայքը հայտնում է, որ «Յուվենտուսի» կիսապաշտպան Սամի Խեդիրան տեղափոխվել է «Հերտա»։
Գերմանական թիմում Խեդիրան հանդես կգա 28 համարի ներքո։ 2015 թվականից Խեդիրան խաղում էր «Յուվենտուսի․ կազմում։
«Ակումբը ահռելի ջանքեր է գործադրել ինձ հետ պայմանագիր ստորագրելու համար։ Շնորհակալ եմ «Հերտային» ու, անկեղծ ասած, անհամբեր սպասում եմ այս թիմի մարզաշապիկը հագնելուն ու խաղադաշտ դուրս գալուն։ Ինձ ֆիզիկապես հիանալի եմ զգում։ Ուզում եմ վերջին տարիներին ձեռք բերածս փորձն օգտագործել, որպեսզի օգնեմ «Հերտային» հասնել սպորտային մեծ հաջողության»,-ասել է Խեդիրան։
