«Ռեալի» կիսապաշտպան Լուկա Մոդրիչի վնասվածքի մասին է խոսել Խորվաթիայի հավաքականի գլխավոր մարզիչ Զլատկո Դալիչը: Ֆուտբոլիստը թեթև վնասվածք է ստացել նախօրեին ԵԱ-2020-ի ընտրական փուլում Ուելսի հավաքականի հետ խաղում (1-1): Մոդրիչը չկարողացավ ավարտին հասցնել խաղն ու փոխարինվեց:
«Մոդրիչը մկանային վնասվածք է ստացել, դա բավականին ցավոտ ու տհաճ է:
Նա ստիպված էր լքել խաղադաշտը: Հիմա Մոդրիչը պետք է հանգստանա 1-2 օր, բայց ես հույս ունեմ, որ դրանից հետո նրա մոտ ամեն ինչ կարգին կլինի», – Դալիչի խոսքերն է մեջբերել Goal-ը:
Ուելս-Խորվաթիա խաղում վնասվածք ստացավ նաև «Ռեալի» ուելսցի հարձակվող Գարեթ Բեյլը: Վերջինս ստիպված էր վնասվածքով ավարտել խաղը, քանի որ փոխարինումների հնարավորություն այլևս չկար:
ԽՈՐՀՈւՐԴ Է ՏՐՎՈւՄ ԿԱՐԴԱԼ
