Երևանի քաղաքապետարանը հայտարարում է, որ Կենտրոն վարչական շրջանում անձնական ավտոմեքենաների մուտքը արգելելու որևէ որոշում ներկայումս չկա։ Այս մասին տեղեկացրել են քաղաքապետարանի մամուլի ծառայությունից՝ արձագանքելով Երևանի ավագանու «Մայր Հայաստան» խմբակցության անդամ Գևորգ Ստեփանյանի հայտարարությանը։ Վերջինս նշել էր, որ քաղաքային իշխանությունները մտադիր են մինչև ընթացիկ տարվա վերջ սահմանափակել անձնական տրանսպորտային միջոցների մուտքը Կենտրոն վարչական շրջան։
Քաղաքապետարանից նշել են, որ նման սահմանափակումներ կիրառելու վերաբերյալ որևէ որոշում դեռևս չի ընդունվել։