ՀՀ ոստիկանությունը հայտնել է, որ մարտի 6-ին ոստիկանության Էրեբունու բաժնի սպասարկվող տարածքում կողոպուտ էր կատարվել։ Ժամը 21.30-ի սահմաններում Նար-Դոսի փողոցի սննդի կետի մոտ անհայտ անձը օտարերկրացի մի զբոսաշրջիկի ձեռքից հափշտակել էր 40000 դրամ ու փախել։
«Տուժողը կատարվածի վերաբերյալ ոստիկանություն չէր հայտնել, բայց ոստիկանության Էրեբունու բաժնի քրեական հետախույզներն այդ մասին օպերատիվ տեղեկություններ ստացան։ Ձեռնարկված օպերատիվ-հետախուզական միջոցառումների արդյունքում մարտի 7-ին Խորենացու փողոցում հայտնաբերվեց և, կողոպուտ կատարելու կասկածանքով, բաժին բերման ենթարկվեց 53-ամյա մի տղամարդ։ Նա տվել է խոստովանական բացատրություն։
- Ոստիկանություն բերման ենթարկվածի մոտ փաթեթներով մեթամֆետամին է եղել (ՏԵՍԱՆՅՈՒԹ)
- Ապօրինի հատվել է 46 ծառ․ հայտնաբերվածը տեղափոխվել է ոստիկանություն (ՏԵՍԱՆՅՈՒԹ)
Էրեբունու ոստիկանները տուժողից հաղորդում են ընդունել։
Կատարվում է քննություն»,- ասվում է հաղորդագրության մեջ։