Ուկրաինայի նախագահի թեկնածու Վլադիմիր Զելենսկին կարծում է, որ իր մրցակից Պյոտր Պորոշենկոյի հետ քաղաքական բանավեճերը կարող են կայանալ ապրիլի 19-ին, բայց այդ մասին ստույգ չգիտի: Այդ մասին նա ասել է «ՌԲԿ-Ուկրաինա» գործակալությանը տված հարցազրույցում, որը հրապարակվել է ապրիլի 18-ին:
Զելենսկին հայտարարել է, որ չի մտածում այն մասին, թե բանավեճերի արդյունքներն ինչպես կանդրադառնան ընտրությունների վրա:
«Ուկրաինական ժողովուրդը պետք է կարծիք հայտնի: Անկեղծ ասած, ես այդ մասին չեմ մտածում: Դա մարդկանց ընտրությունն է»,-ասել է նա: Դրա հետ մեկտեղ թեկնածուն ընդգծել է, թե կարևոր է համարում ոչ թե խոսքը, այլ արարքները:
«Ես պետք է հաղթեմ, որպեսզի շանս տամ երկրին: Եթե ես գլուխ չհանեմ այդ հնարավորությունից, ես ատամներով (նախագահի պաշտոնը) չեմ բռնի»,- հավելել է Զելենսկին: