Ուկրաինական կողմը պատրաստ է Մոսկվայի հետ երկխոսություն վարել, ինչպես նաև պատրաստ է կատարել Մինսկի համաձայնությունները, սակայն սկզբում Կիևը պետք է համակարգված կերպով ամրապնդի իր ազգային անվտանգությունը: Նման հայտարարություն է արել Ուկրաինայի նախագահ Վլադիմիր Զելենսկին ՆԱՏՕ-ի գլխավոր քարտուղար Յենս Ստոլտենբերգի հետ համատեղ մամուլի ասուլիսի ժամանակ: Այս մասին հայտնում է RT լրատվական գործակալությունը:
Զելենսկին նաև հավելել է, որ Ուկրաինայի ռազմավարական վեկտորն ուղղված է դեպի ԵՄ և ՆԱՏՕ:
«Մեր գործողությունների նպատակն է բարձրացնել բոլոր ուկրաինացիների կյանքի որակը»,- ասել է նա:
Ուկրաինայի նախագահի խոսքերով` այժմ առաջնահերթ է իրականացնել քայլեր, որոնք երկիրը առավել կմոտեցնեն եվրոպական չափանիշներին: